Għandha sitt ġimgħat biss u tiżen erba kilogrammi.
Jisimha Chiclayanita, l-iktar addizzjoni riċenti fiż-zoo Legends Park fil-Peru. L-iljunessa għalissa se tinżamm f’post sakemm tikber biżżejjed u tkun tista tingħaqad mal-kumplament tal-iljuni, fejn mistennija tkun l-istilla taż-zoo.
Li hu speċjali dwar Chiclayanita hu li din hija l-ewwel iljun imwielda fl-istess zoo fl-aħħar għoxrin sena. Ommha u missierha jisimhom Sultan u Bonita, li ddaħħlu fiż-zoo wara li kienu salvati minn ċirku. Jingħad li Chiclayita tinsab f’saħħitha, iżda qed tinżamm kemmxejn bogħod minn missierha. Minkejja li hija l-iżgħar membru tar-razza, mistennija tkun l-attrazzjoni ewlenija fost it-turisti.
