L-investiment għandu l-għan li jattira aktar klijenti internazzjonali biex jużaw is-servizzi tat-telekomunikazzjoni Maltin.
Madliena, 20 ta’ Novembru 2019. Melita Limited għadha kemm lestiet żewġ investimenti ewlenin li ser jgħinu lill-kumpanija tkompli tikber fil-qasam tal-B2B, b’enfasi fuq klijenti internazzjonali. Dawn huma l-ftuħ ta’ faċilità ġdida ta’ ċentru tad-data biex tipprovdi lill-klijenti b’kapaċitajiet ta’ rkupru kemm dawk sekondarji jew dawk relatati ma’ diżastru, u t-tnedija riċenti ta’ servizzi ta’ konnettività ta’ Internet of Things (IoT) madwar l-Ewropa.
Is-servizzi tal-IoT Pan-Ewropej qed jiġu pprovduti permezz ta’ melita.io, fejn il-ġimgħa li għaddiet il-kumpanija żvelat portal ddedikat għall-klijenti, iddisinjat u żviluppat f’Malta biex jintuża minn klijenti internazzjonali u lokali. Il-pjattaforma l-ġdida melita.io intweriet lill-Onor. Silvio Schembri, Segretarju Parlamentari għas-Servizzi Finanzjarji, Ekonomija Diġitali u Innovazzjoni, waqt żjara fil-faċilità teknika ta’ Melita fil-Madliena; iċ-ċentru għas-servizzi kollha ta’ Melita.
Filwaqt li tuża n-netwerks internazzjonali biex twassal is-servizzi IoT tagħha lil hinn minn Malta, il-klijenti lokali għandhom il-benefiċċji addizzjonali provduti min-netwerk narrowband IoT (NB-IoT) tal-Melita. NB-IoT toffri bosta benefiċċji lin-negozji li għandhom bżonn jgħaqqdu t-tagħmir fl-operat tagħhom, fosthom konsum ta’ enerġija baxx ħafna, firxa wiesgħa tas-sinjal u l-abilità li tilħaq taħt l-art jew taħt il-livell tal-baħar. Dawn il-karatteristiċi jippreżentaw firxa ferm ikbar ta’ għażliet għal soluzzjonijiet IoT – bħal sensers għall-parkeġġ u nases tal-ġrieden imqabbda fl-iktar livelli baxxi ta’ parkeġġi taħt l-art.
Harald Roesch, il-Kap Eżekuttiv tal–Melita, spjega, “Melita wettqet investimenti kbar fl-infrastruttura tagħha. Issa għandna waħda mill-aktar netwerks b’saħħithom fl-Ewropabiex Malta tkun l-uniku pajjiż b’netwerk NB-IoT fuq skala nazzjonali, gigabit internet u netwerks tal-mobile 4.5G. Dan l-investiment qed iħalli impatt pożittiv fuq l-ekonomija ta’ Malta kif muri mill-istħarriġ riċenti tal-EY Attractiveness fejn 72 fil-mija ta’ dawk li wieġbu qalu li l-infrastruttura tat-telekomunikazzjoni kienet fattur ewlieni biex tipperswadihom biex jinvestu hawn. Dan ir-riżultat huwa xi ħaġa li aħna kburin li kkontribwixxejna, kif fl-istess waqt aħna kburin li nistgħu nużaw it-teknoloġija u l-għarfien espert tagħna f’oqsma bħal IoT, sabiex inbiddlu negozju Malti fi fornitur internazzjonali ta’ servizzi tat-telekomunikazzjoni.”
L-Onor. Schembri qal, “Bħala Gvern nemmnu bis-sħiħ fl-ispinta għall-innovazzjoni u l-addozzjoni ta’ kunċetti ġodda bħala mezz kif is-settur privat jista’ jimxi ‘l quddiem f’dan il-mument partikolarment interessanti fl-istorja tagħna. Telekomunikazzjonijiet; f’dan il-każ, il-fornituri tas-servizzi tat-telekomunikazzjoni bħala sħab fl-isforzi tagħna biex nibqgħu dejjem pass ‘il quddiem fir-revoluzzjoni diġitali. Infaħħar lil Melita għall-impenn u l-isforzi tagħha biex tqiegħed lill-klijent fiċ-ċentru tal-operat tagħha.”
Iż-żjara tal-Onor. Schembri kienet tinkludi wkoll dawra mal-Madliena Primary Data Centre, mibnija skont l-ispeċifikazzjonijiet ta’ Tier III, u li hi fil-fatt l-unika faċilità mibnija għal dan l-iskop f’Malta. Iċ-Ċentru, li hu kompletament magħluq u ssorveljat b’sigurta’ stretta, jkopri 10,000 metru kwadru u huwa l-akbar faċilità fil-pajjiż. Is-sit li ntgħażel b’mod strateġiku, jikkonsisti f’bini solitarju fuq art għolja. Il-post huwa maqtugħ mill-arterji ewlenin tat-traffiku, fl-ebda f’riskju ta’ għargħar u fuq l-ebda mogħdija ta’ titjir tal-ajruplani. B‘hekk il-faċilita’ tilħaq u taqbeż il-livelli stretti ta’ sigurta’ meħtieġa.
Ritratt 0037: Il-Kap Eżekuttiv ta’ Melita Harald Roesch (xellug) flimkien mas-Segretarju Parlamentari
