Għal sena oħra l-MCAST ħabbret is-sehem tagħha fil-kompetizzjoni Euroskills. Kompetizzjoni internazzjonali li toffri l-opportunità ta’ titjib fl-edukazzjoni vokazzjonali, it-taħriġ u l-ħiliet f’diversi oqsma.
Din il-kompetizzjoni diġà rat lil Malta rebbieħa sentejn ilu bis-sehem ta’ żewġ studenti tal-elettronika. Barra minn hekk, mis-sena ddieħla l-MCAST se torganizza l-MCAST Skills Challenge, biex tkompli tippromwovi u ssaħħaħ l-edukazzjoni vokazzjonali, u tesponi t-talent tal-istudenti.
