Marsaskala huma r-rebbieħa tal- Kampjonat BOV tal-Water Polo tax-Xitwa tal-Ewwel Diviżjoni
Wara staġun kumbattut li ra lil Marsaskala u Valletta jispiċċaw b’punti indaqs fil-klassifika, Marsaskala għelbu lill-Beltin bl-iskor ta’ 6-5 fid-decider biex kisbu t-titlu.
Marsaskala rebħu l-ewwel sessjoni 1-0 u t-tieni waħda 3-2. Reazzjoni ta’ Valletta fit-tielet sessjoni hekk kif ħarġu rebbieħa 2-1. Minkejja li l-beltin ippruvaw idawwru r-riżultat favur tagħhom, l-aħħar sessjoni intemmet 1-1 li kien biżżejjed għal Marsaskala sabiex jirbħu l-finali.
Charles Azzopardi, Head CSR fi ħdan il-Bank of Valletta u Rita Azzopardi, Segretarju Ġenerali tal-Assoċjazzjoni Sport Akkwatiku ta’ Malta ppreżentaw it-trofew tal Kampjonat BOV tal-Water Polo tax-Xitwa tal-Ewwel Diviżjoni liċ-Champions il-ġodda.
