Persuna trans spiċċat insulentata u attakkata biswit ħanut tal-pastizzi fl-Imsida. L-inċident seħħ il-Ħadd meta l-vittma marret tixtri l-pastizzi qabel rikbet tal-linja wara ġurnata xogħol. Raġel li ma tafux qalilha li jkun jixirqilha iżjed tieħu sausage roll milli pastizzi. Meta kkonfrontatu r-raġel spiċċa xarbilha daqqa ta’ ponn u ġibdilha xagħra.
Il-persuna kitbet fuq Facebook dwar l-esperjenza tagħha u saħqet li kull persuna jixirqilha r-rispett. Fost r-reazzjonijiet għall-inċident kien hemm ukoll dak tal-Malta Gay Rights Movement, l-MGRM, li saħqet kif huwa inaċċettabli li persuni trans isofru minn vjolenza u abbuż fis-soċjetà tagħna. Hija ħeġġet ukoll sabiex kull abbuż ikun irraportat.
Ritratt: tvm.com.mt
