Maratona traġika: missier imut ftit qabel it-tmiem, quddiem martu u bintu

Czeslaw Dudek ta’ 37 sena pparteċipa fil-maratona Weybridge 10k f’Surrey. Martu u bintu ta’ seba’ snin kienu qed jimmotivawh qrib tmiem il-maratona. Kien biss metri bogħod milli jispiċċa.

Iżda ġara l-imprevedibbli. L-atleta waqa’ mal-art barra minn sensih. F’kemm ilna ngħidu, ingħata l-ewwel għajnuna u ttieħed l-isptar, iżda hemm intemmet ħajtu.

Kienet l-ewwel darba li Dudek, li huwa mastrudaxxa, ipparteċipa fil-maratona. Atleti professjonisti issa qed jappellaw biex kull min se jipparteċipa f’xi attivita fiżika bħal din, ikun jaf sew il-kundizzjoni ta’ qalbu. Ikun hemm kundizzjonijiet li mhux neċessarjament ikunu qed juru sintomi, u l-periklu li jikkawżaw jista’ jkun fatali.

“Ħafna jmorru d-dar sodisfatti bil-medalja. Oħrajn ma jerġgħu jmorru qatt id-dar” kien hemm min kiteb fuq mezzi soċjali.