Sewwieq ta’ mutur u mara Ukrena qed jingħataw il-kura l-isptar Mater Dei wara li ftit tal-ħin ilu kienu involuti f’inċident fi Pjazza San Kalċidonju, l-Furjana.
Il-mutur kien misjuq minn raġel ta’ 47 sena residenti tas-Sliema u passiġġiera miegħu kellu mara ta’ 40 sena. Minn stħarriġ preliminari rriżulta li s-sewwieq u l-passiġġiera tal-mutur indarbu wara ħabta ma’ karozza Toyota Starlet misjuqa minn raġel ta’ 37 sena residenti Pembroke.
Il-kundizzjoni tal-midruba għadha mhux magħrufa.
