Mara ta’ 33 sena mill-Belarussja li tgħix il-Gżira weġġgħet gravi f’inċident stradali fi Triq tas-Sliema fil-Gżira.
L-inċident seħħ il-Ħadd filgħaxija għall-ħabta tas-sitta, meta l-mara ntlaqtet minn karozza tat-tip Mazda Demio li kienet qed tinstaq minn żagħżugħ ta’ 24 mill-Imsida.
Fil-ħin tal-inċident, il-Mazda kellha impatt ma’ vettura li kienet ipparkjata.
Tim mediku ta l-ewwel għajnuna fuq il-post u l-mara ttieħdet l-isptar b’ambulanza fejn ġiet iċċertifikata li weġġgħet gravi.
L-investigazzjonijiet tal-Pulizija dwar dan l-inċident għadhom għaddejjin.
