Mara ta’ 49 sena minn Pembroke, indarbet gravi wara li ntlaqtet minn vettura tal-għamla Nissan Qashqai, li kienet qed tinstaq minn raġel ta’ 47 sena minn Pembroke wkoll.
L-inċident seħħ għall-ħabta tas-6:00 tal-bieraħ filgħaxija, fi Triq Burma, Pembroke.
Fuq il-post issejħet l-għajnuna ta’ tim mediku, li aktar tard ħa lill-mara l-Isptar Mater Dei għal aktar kura.
L-investigazzjonijiet tal-Pulizija dwar dan il-każ għadhom għaddejjin.
