Mara ta’ 31 sena bi ġrieħi gravi wara inċident bil-mutur

Mara ta’ 31 sena, residenti l-Mosta weġġgħet gravi wara li kienet involuta f’inċident tat-traffiku, fi Triq ix-Xatt f’Tas-Sliema.

L-inċident seħħ ilbieraħ għall-ħabta tal-erbgħa ta’ waranofsinhar.

Mill-istħarriġ preliminari, irriżulta li l-mara kienet qiegħda issuq mutur tal-għamla Honda, tilfet il-kontroll u waqgħet.

Hi ngħatat l-għajnuna minn tim mediku, ittieħdet l-isptar b’ambulanza u ġiet ċċertifikata bi ġrieħi gravi.

L-investigazzjonijiet tal-Pulizija għadhom għaddejjin.