Mara ta’ 57 sena mis-Swieqi sofriet ġrieħi gravi wara li ġiet milquta minn karozza.
Il-każ seħħ għall-ħabta tal-16:30 fi Triq il-Ħemel u minn stħarriġ preliminari rriżulta li l-mara kienet milquta minn karozza tat-tip Toyota Vitz.
Din il-karozza kienet qed tinstaq minn mara ta’ 26 sena minn San Ġwann.
Il-vittma’ ngħatat l-ewwel għajnuna minn tim mediku u ttieħdet b’ambulanza l-Isptar Mater Dei.
Hemmhekk, hija ġiet iċċertifikata li qed ssofri minn ġrieħi ta’ natura gravi.
L-investigazzjonijiet tal-Pulizija tad-Distrett dwar dan il-każ għadhom għaddejjin.
