Mara liebsa l-għonella li titfaċċa mix-xejn u tipponta subgħajha lejn nies differenti, qed tidher ġo għalqa mhux bogħod minn kappella. L-investigaturi paranormali Kylie u Vincent jinvestigaw dan il-każ. Sadattant l-istudent li daħal jgħin fil-programm, Joshua, m’għadux xettiku kif kien. Minbarra hekk Julian, ħu Vincent, u Lorry, missier Vincent, iwettqu l-pjan li ħolqu biex jgħinu lill-koppja taċċetta li Noelene ma tkunx għadha f’din id-dinja.
Dan huwa dak li s-segwaċi ta’ ONE se jsegwu waqt episodju ieħor ta’ ”Iċ-Ċavetta ta’ Pandora”, il-Ġimgħa filgħaxija fuq ONE. Jieħdu sehem Claire Marie Busuttil, Clayton Pace, Ruth Frendo, Patrick Tanti, Henry Zammit Cordina, Ishmael Galea u Mary Anne Zammit. B’kitba u direzzjoni ta’ Ruth Frendo, il-produzzjoni hi ta’ Pro.Motion Limited. Dan il-proġett hu megħjun mill-Kunsill Malti għall-Arti.
Segwi l-promozzjoni ta’ dan l-episodju hawn:
