Mara tinsab fil-periklu tal-mewt wara li nqabdet bejn trakk u ħajt fi Triq San Pawl f’Marsalforn.
L-inċident seħħ għall-ħabta ta’ 12:30 tal-Ġimgħa waranofsinhar meta għal xi raġuni trakk tat-tip Iveco li kien ipparkjat iċċaqlaq waħdu u rass lill-mara li kienet miexja fuq bankina ma’ ħajt.
Ambulanza ħadet lill-mara l-isptar Ġenerali ta’ Għawdex għall-kura, fejn iktar tard ġiet iċċertifikata li tinsab f’qagħda kritika.
Dwar il-każ infetħet inkjesta maġisterjali.
