Mara ndarbet gravi wara li kienet involuta f’inċident tat-traffiku fil-Mellieħa.
ll-każ seħħ illum, għall-ħabta tal-għaxra u nofs ta’ filgħodu fi Triq il-Mellieħa, il-Mellieħa.
REKLAM
SKROLLJA BIEX TKOMPLI
Il-Pulizija marret immedjatament fuq il-post u mill-ewwel investigazzjonijiet irriżulta li kienet seħħet ħabta bejn Peugeot Expert, misjuq minn mara ta’ 33 sena residenti r-Rabat Għawdex, u Opel Corsa, misjuqa minn mara ta’ 35 sena residenti Ħal Tarxien.
Fuq il-post issejjaħ tim mediku u ambulanza ħadet il-mara ta’ 35 sena l-Isptar Mater Dei sabiex tingħata l-kura meħtieġa, fejn ġiet iċċertifikata li qed issofri minn ġrieħi gravi.
L-investigazzjonijiet tal-Pulizija għadhom għaddejjin.
