Mara tinsab fil-periklu tal-mewt wara inċident tat-traffiku fi Triq l-Għarb fl-Għasri.
Il-każ seħħ għall-ħabta tas-sagħtejn u kwart ta’ waranofsinhar, meta seħħet ħabta bejn Toyota Yaris, li fiha kien hemm mara, raġel u tifel mix-Xewkija, u Toyota Corolla li fiha kien hemm mara u raġel mill-Fontana.
REKLAM
SKROLLJA BIEX TKOMPLI
Fuq il-post issejjaħ tim mediku, u l-ħames persuni li kienu fil-karozzi ttieħdu l-Isptar Ġenerali t’Għawdex.
It-tifel ta’ tliet snin ma ġarrab ebda ġrieħi, filwaqt li l-mara li kienet fil-Yaris ġarrbet ġrieħi serji.
It-tliet passiġġieri l-oħra ġarbu ġrieħi ħfief.
Dwar il-każ hemm inkjesta Maġisterjali.
