Fid-dawl tat-terremot li ħakem Sqallija tul dan il-lejl, Maltin li bħalissa jinsabu fil-pajjiż u għandhom bżonn xi għajnuna huma mitluba jikkuntattjaw l-Ambaxxata Maltija fl-Italja fuq +393482412437.
L-Ambaxxatriċi Maltija fl-Italja, Vanessa Frazier, qalet dan fuq twitter, fid-dawl li Sqallija hija destinazzjoni popolari ferm mal-Maltin u l-Għawdxin.
Minn tal-anqas żewġ persuni ndarbu kawża ta’ dan it-terremot, li kejjel 4.8 fuq l-iskala Rikter. Diversi binjiet fl-inħawi tal-aktar vulkan attaiv fl-Ewropa ġarrbu ħsarat estensivi, u diversi residenti kienu kostretti jħallu darhom.
Intant, it-terremot inħass ukoll f’xi nħawi ta’ Malta ftit wara s-02:00.
In view of seismic activity in #catania any Maltese in the area who may require assistance are informed that the contact number of the Embassy is +393482412437 @MFAMalta @MaltaGov
— Vanessa Frazier (@VanessaFrazie12) December 26, 2018
