Mara qed tfittex lil ħu żewġha li jgħix l-Awstralja biex tlaqqgħu ma’ żewġha li għandu 80 sena u li hu marid.
F’messaġġ fuq Facebook, l-istess mara spjegat kif ħu żewġha li jgħix l-Awstralja jismu Joe Grech u ilu ma jiltaqa’ ma’ ħuh f’Malta għal madwar 20 sena. Hi spjegat kif fil-passat il-laqam tagħhom kien ta’ Ħaswex u li l-mara ta’ ħu żewġha jisimha Janie u li fil-passat kienu jgħixu Sycamore St Campbellfield f’Melbourne fl-Awstralja.
Kitbet kif ħu żewġha u martu għandhom żewġt itfal Michelle u Diane, u li Joe kien jaħdem bħala burdnar max-xatt f’Melbourne.
Temmet billi qalet li żewġha jismu Ron Grech u li kull min għandu xi informazzjoni jista’ jagħmel kuntatt fuq +0415689411.
