It-tfajla Emma Muscat għamlitha f’Amici, il-programm mimli talent li jixxandar fuq l-istazzjon Taljan Canale Cinque.
Xahar ilu, Muscat ta’ tmintax-il sena kienet diġa pruvat tidħol f’dik imsejħa bħala l-iskola ta’ Maria de Filippi iżda ma rnexxiliex.
Id-deċiżjoni li Muscat ma tħallietx tidħol f’Amici ma tantx niżlet tajjeb, bit-tim tal-produzzjoni tal-programm ta ċans ieħor lill-artista Maltija u fi sfida diretta ma’ kantanta oħra, Emma Muscat laqtet lill-ġurati.
Emma Muscat li hija wkoll pjanista u filfatt waqt l-aħħar serata t’Amici, kantant u daqqet fuq il-pjanu spiċċat bla kliem hekk kif saret taf li daħlet f’Amici.
Emma Muscat spiċċat f’Amici wara li interpretat kanzunetta ta’ Alicia Keys, bil-ġurija u l-udjenza, it-tnejn baqgħu issummati bit-talent tal-kantanta Maltija li issa qed tħares ‘il quddiem biex timraħ f’din l-avventura li daħlet għaliha.
