Ilbieraħ waranofsinhar Malti ta’ 47 sena ġie arrestat f’Pozzallo wara li nqabad bi 22 kilo droga hekk kif kien se jirkeb il-katamaran lejn Malta.
Huwa ġie arrestat mill-Guardia di Finanza ta’ Ragusa wara li saret spezzjoni fil-vettura tiegħu. Id-droga nstabet f’kompartament moħbi wara s-seats tal-karozza. Fil-karozza li kellha pjanċi Ingliżi instabet droga kokaina u eroina b’valur ta’ mill-anqas €5 miljun.
Id-droga kokaina kienet ippakkjata fi 11-il pakkett, u nstabu wkoll disa’ pakketti bi droga eroina.
Ir-raġel qed jinżamm fil-kustodja tal-awtoritajiet ta’ Ragusa.
