MaltaPost se tipparteċipa fil-fiera internazzjonli tal-bolol Messe Sindelfingen 2017 li se ssir fil- Ġermanja bejn it-26 u t-28 ta’ Ottubru. Din Il-fiera hija avveniment annwali fejn operaturi postali internazzjonali jesebixxu prodotti tal-filatelija ta’ pajjiżhom. Il-Philatelic Bureau tal- MaltaPost se jkun qed jipparteċipa f’din il-fiera b’bolli ta’ Malta relatati ma’ temi popolari.
Għal din l-okkażjoni speċjali il-Philatelic Bureau se joħroġ Occasion Card li turi vapur ta’ l-ordni mis-sett “Maritime Malta Series V” li kien inħareġ aktar kmieni din is-sena. MaltaPost se toħroġ ukoll Personalised Stamp/Cover u Personalised Stamp li juru l-emblema tal-Fiera. L-Occasion Card se tkun għall-bejgħ mill-Fergħat kollha tal-MaltaPost minn nhar il-Ħamis 26 ta’ Ottubru 2017.
Ordnijiet għall-Personalised Stamp/Cover u l-Personalised Stamps jistgħu jsiru mill-website www.maltaphilately.com jew bil-posta mill-Philatelic Bureau MaltaPost p.l.c. 305, Triq Ħal Qormi, Marsa, MTP 1001 – Telephone 2596 1740 – e-mail: info@maltaphilately.com
