It-team malti tal-Għawm Artistiku kiseb l-aħjar riżultat qatt miksub minn Malta fix-xena internazzjonali hekk kif kellu wirjiet mill-aqwa waqt il-Kampjonat tad-Dinja li saru f’Doha l-Qatar.
It-team malti kien kompost minn Ana Culic, Thea Grima Buttigieg u Emily Ruggier.
Fis-Solo Technical Event, Ana Culic spiċċat fid-19 -il post minn 28 u saret l-ewwel maltija li kisbet skor ‘il fuq minn 80 għall-Artistic Impression. Hija kellha skor ta’ 80.9500, bl-iskor totali tagħha ta’ 189.7283 fisser titjieb kbir mill-istess kampjonat tad-dinja tas-sena l-oħra.
Id-dou Thea Grima Buttigieg u Emily Ruggier, li kienu qed jagħmlu d-debutt f’Kampjonat tad-Dinja tal-kbar, kellhom wirja sabiħa fit-Technical Event. Huma wkoll kisbu l-aħjar riżultat qatt miksub minn Malta fid-Duet Technical Event bi skor ta’ 176.6291.
Ana Culic kellha wkoll wirja sabiħa fis-Solo Free Event. Culic spiċċat fid-19-il post minn 31 bi skor ta’ 167.4229.
It-team malti kien taħt it-tmexxija tal-kowċ nazzjonali Michelle Hubner u l-assistenta tagħha Hannah Preca Trapani
Ana Culic
Thea Grima Buttigieg u Emily Ruggier
Il-Kowċ nazzjonali Michelle Hubner u l-Assistant Coach Hannah Preca Trapani
