Malta tibda taċċetta ċ-ċertifikat tal-vaċċin tal-Iżrael

Id-Deputat Prim Ministru Chris Fearne ħabbar li l-Awtoritajiet tas-Saħħa mil-lum bdew jaċċettaw iċ-ċertifikat tal-vaċċin tal-Iżrael.

Dan qalu fil-ħin tal-mistoqsijiet parlamentari fis-seduta tal-lejla.

Id-Deputat Prim Ministru ta elenku għall-programm ta’ tilqim kontra l-Covid-19 u anki spjega kif dan ix-xahar se tibda tingħata t-tilqima kontra l-influwenza.