“I am very proud of Malta being a champion of Universal Health Coverage.”
Din kienet l-ewwel reazzjoni tad-Direttur Reġjonali l-ġdid għar-Reġjun Ewropew għall-Għaqda Dinija tas-Saħħa Dr Hans Kluge fl-ewwel żjara tiegħu f’Malta.
F’konferenza tal-aħbarijiet wara laqgħa mad-Deputat Prim Ministru u Ministru għas-Saħħa Chris Fearne, Kluge faħħar l-impenn ta’ dan il-Gvern fis-settur tas-saħħa.
Impenn fuq kollox rifless fl-aċċess għall-mediċini u servizzi tas-saħħa tal-aqwa livell, b’xejn.
Kluge stqarr: “I am very proud of Malta being a champion of universal health coverage. This is the big flagship of the world health organisation which has been approved 2 weeks ago at the level of the United Nations General assembly in New York and we are in need of countries stepping forward on providing Universal Care including access to medicines.”
Ma’ ONE News Hans Kluge faħħar ukoll lil pajjiżna għall-politika nazzjonali li jħaddan fir-rigward tas-saħħa mentali. Dan wara li nieda strateġija ġdida għas-saħħa mentali li se tkun implimentata fuq l-għaxar snin li ġejjin u li għandha l-ħsieb li tagħti servizz, taħriġ u sapport kemm lill-pazjenti, u l-qraba, iżda wkoll il-ħaddiema involuti fis-settur.
“This is absolutly the right direction to go. It means to move care closer to the people. The people’s home particularly on mental health by establishing community health centres. This is a policy for long time but Malta is also implementing it”, tenna Kluge.
Intant, tkellem ukoll dwar il-viżjoni progressiva ta’ dan il-Gvern hekk kif għażel li mas-saħħa jintegra l-innovazzjoni.
Filfatt fost oħrajn aktar kmieni din is-sena grazzi għall-investiment kbir li sar fil-laboratorji tal-Isptar Mater Dei, permezz tal-Intelliġenza Artifiċjali, testijiet tat-tuberkulożi li qabel kienu jieħu tliet xhur sakemm jiġu kkultivati u ssir dijanjosi issa qed jieħdu biss siegħa.
Fid-diskors tiegħu waqt iż-żjara ta’ Kruge d-Deputat Prim Ministru Fearne spjega kif din l-ewwel żjara ta’ Kruge f’Malta kienet ukoll l-ewwel żjara tiegħu bħala Direttur Reġjonali ġdid, madwar l-Ewropa u dan mhux b’kumbinazzjoni.
Id-Deputat Prim Ministru u Ministru għas-Saħħa, Chris Fearne sostna “L-ewwel nies għax ir-relazzjonijiet tagħna mal-Għaqda Dinijia ta’ saħħa huma b’saħħithom imma l-aktar għax illum huwa magħruf li s-sistemi tas-saħħa f’Malta huma ta’ eżempju għal pajjiżi oħrajn.”
Fil-fatt il-Deputat Prim Ministru spjega kif fuq talba tad-Direttur Reġjonali Kruge, ser ikun qed iżur pajjiżi oħra barranin sabiex iwassal is-suċċessi ta’ Malta barra minn xtutna.
