Malta mhux biss wettqet imma għamlet aktar milli felħet fejn tidħol il-kriżi tal-immigrazzjoni.
Iddikjara dan il-Prim Ministru u Mexxej Laburista Robert Abela f’Intervista fuq ONE, fejn saħaq li r-riżorsi ta’ Malta fejn jidħlu l-immigranti huma limitati, anke minħabba l-fatt li Malta, bħall-kumplament tad-dinja, għaddejja minn pandemija.
Il-Prim Ministru stqarr, “Aħna mhux biss wettaqna l-obbligi kollha tagħna imma għamilna lil’hinn minn dak li kien mistenni minna. Bħala pajjiż ċkejken fl-Ewropa, l-iżgħar pajjiż stat fl-UE dejjem tul is-snin għamilna aktar milli flaħna fil-kwistjoni tal-immigranti u dan jixduh in-numru ta’ immigranti illi hawn f’pajjiżna, jixduh ukoll ir-riżorsi li dejjem tajna għall-koordinament tas-salvataġġ tal-immigranti mix-xtut Libiċi.”
Dr. Abela spjega li għall-ewwel darba, Malta qed taffaċċja din il-problem bis-serjetà, hekk kif pajjiżna ma jiflaħx aktar numri kbar ta’ immigranti.
Hu stqarr, “Aħna ma nifilħux iżjed mhux qed ngħidu din b’supperjvja, mahniex qed ngħiduha b’rabja wisq anqas bi ġlied aħna nifmhu r-realta wkoll illi pajjiżi oħrajn fl-UE jinsabu fiha f’dan il-mument partikolari daqstant ieħor hija realta illi pajjiżna r-riżorsi tiegħu huma dak illi huma rridu nibbilanċjaw li nipproteġu s-saħħa tal-poplu Malti u Għawdxi u ta’ immigrant li diġa’ huma resident Malta fl-istess waqt imma għandek din is-sitwazzjoni illi iva pajjiżna qed jgħajjat u jsejjaħ għal solidarjeta minn pajjiżi membri oħrajn.”
Il-Prim Ministru saħaq li dan huwa mument li suppost, kulħadd jiġbed ħabel wieħed, iżda minflok sab oppożizzjoni li minflok offriet l-appoġġ tagħha, fetħet denunzja biex titfa’ lilu, lill-brigadier tal-Forzi Armati ta’ Malta, u lis-suldati, għal għomor il-ħabs.
Robert Abela qal li l-aqwa soluzzjoni għal din il-problema hija li meta l-immigranti jidħlu f’pajjiżna, jkun hemm diġa’ pjan ta’ rilokazzjoni.
Il-Prim Ministru kompla jgħid, “Jien irrid nara li jkollna soluzzjoni anke għall-futur fejn int jekk waslet dgħajsa mill-ixtut Libiċi jew daħlet jew daħlet fl-SAR tagħna iva nikkordinaw is-salvataġġ, imma fil-mument li kkordinajna s-salvataġġ bir-riżorsi tagħna bħala stat inti taf bl-eżatt dik id-dgħajsa u l-persuni li hemm fuqha fejn se jmorru.”
Huwa żied jgħid li d-deċiżjoni ta’ Malta li ma tatix garanzija għas-salvataġġ tal-immigranti kienet waħda iebsa iżda li wasslet messaġġ sod.
Il-Prim Ministru qal li Malta qed tospita erbat elef immigrant u tenna l-appell tiegħu lill-Unjoni Ewropea biex tinstab soluzzjoni ħolistika għax din hi kriżi li l-pajjiżi kollha jridu jaffaċjaw.
“Minn 27 stat membru hija Malta li qed terfaw dan k-obbligu u mhux qed nerfgħuh, qed nerfgħu waħedna mat-Taljani, ma jistax ikollox sitwazzjoni li żewġ pajjiżi biss minn. UE sħiħa jerfaw wahedhom dan linfluss ta’ immigrant.” Temm jgħid il-Prim Ministru.
Ritratt: Gareth Degiorgio
