Malta b’logħba ta’ ħbiberija kontra l-Irlanda f’Novembru

It-tim nazzjonali Malti tal-kbar ser jilgħab partita ta’ ħbiberija kontra l-Irlanda fl-20 ta’ Novembru fl-Stadium Nazzjonali f’Ta’ Qali.

Devis Mangia se jkun qed juża din il-partita bħala preparazzoni għal logħob ta’ kwalfikazzjoni tal-Euro 2024 li t-tim nazzjonali Malti se jkollu f’Marzu 2023.

L-avversarji tat-tim nazzjonali Malti f’din il-kompetizzjoni se jkun magħrufa il-Ħadd 9 t’Ottubru meta jitilaw il-poloz f’Frankfurt.

Malta u l-Irlanda lagħbu kontra xulxin f’seba okkażjonijiet fejn partita waħda biss kienet ta’ ħbiberija bil-konfronti kollha jiġu mirbuħa mill-Irlanda.

Ritratt: MFA / Domenic Aquilina