Wara s-suċċess fenomenali tad-debutt tas-sena l-oħra, Glitch Festival se jkun qed jirritorna bit-tieni edizzjoni l-ġimgħa li ġejja, bejn is-7 u 8 ta’ Settembru.
Dawk li għandhom għal qalbhom il-mużika elettronika għal darb’ oħra ser ikunu jistgħu jattendu jumejn ippakjati ta’ mużika fil-Fortizza tal-House u t-Techno.
L-edizzjoni ta’ din is-sena ser tkun qed isseħħ f’Gianpula Fields, taħt ix-xenarju ikoniku tal-fortizza tal-Imdina. Mal-2,000 turist minn aktar minn 45 pajjiż differenti, bħar-Renju Unit, Franza, Awstralja u Brażil fost oħrajn, mistennija jżuru l-gżejjer Maltin għal dan il-festival. L-edizzjoni ta’ din is-sena mistennija tatratta xejn inqas minn 4,000 persuna.
L-organizzaturi ta’ dan il-festival, għal darb’ oħra qiegħdin iwiegħdu l-ikbar line-up ta’ artisti li qatt inġiebu f’pajjiżna. Djs bħal Maceo Plex, Jon Hopkins, Marcel Dettmann, Ben Klock u Recondite fost oħrajn. Il-festival se jkun qed jinkludi ukoll spettaklu rari mil-leġġendarju Mr.G, flimkien ma’ bosta oħrajn bħal DJ Stingray, Blawan, Dax J, Legowelt, Vril, Palms Trax, DJ Seinfeld, Jupitar Jax, Hail Blk u aktar.
Għall-ewwel darba, Glitch ser ikun qed jintroduċi ġurnata żejda billi ġie oranizzat ’ boat party li se jkun qed isir is-Sibt 9 ta’ Settembru matul il-ġurnata. Space Dimension Controller, DJ Seinfeld u Jupiter Jax se jkunu qed joffru mużika mill-aqwa waqt dan il-boat party biex jagħlqu Glitch Festival bl-aqwa mod possibli.
Għal iktar informazzjoni tistgħu żżuru www.glitchfestival.com.
