Ftit tal-ħin ilu telgħu l-poloz ta’ l-ewwel round ta’ kwalifikazzjoni tal-UEFA Champions League u l-UEFA Ewropa Conference League.
Hamrun Spartans kienu unseeded fi Grupp 3 tal-UEFA Champions League u ser jkunu qed jilgħabu kontra Maccabi Haifa F.C. ta’ Iżrael. L-ewwel leg bejn dawn z-żewġ timijiet ser tkun qed tintlagħab f’pajjiżna fil-11/12 ta’ Lulju bit-tieni leg ser ikun qed jintlagħab fit-18/19 ta’ Lulju.
Fil-UEFA Ewropa Conference League, l-ewwel tim Malti li tela’ f’din l-polza kienu t-tim ta’ Balzan li ser jilgħabu kontra t-tim ta’ NK Domzale tas-Slovenja. Warajhom kien jmiss lit-tim ta’ Birkirkara li ser ikunu qed jibdew din l-avventura barra minn pajjiżna kontra NK Mairbor ta’ Slovenja. Fl-aħħar polza telgħu t-tim ta’ Gzira United li ser ikunu qed jilgħabu l-ewwel f’pajjiżna kontra Glentoran FC ta’ l-Irlanda ta’ Fuq.
L-ewwel legs ta’ dawn il-partiti ser ikunu qed jintlagħbu fit-13 ta’ Lulju bil-partiti ta’ ritorn ser jintlagħbu ġimgħa wara fl-20 ta’ Lulju.
