Lydon Debono huwa ċ-champion tad-dinja tal-Blackball individwali.
Dan hekk kif il-Ħadd wara nofs in-nhar rebaħ il-finali tal-kategorija individwali tal-irġiel li saret f’Buġibba.
REKLAM
SKROLLJA BIEX TKOMPLI
Fil-finali Debono għeleb lill-ingliż Dean Shields bl-iskor ta- 10-5. Wara li l-ingliż beda tajjeb u mar 2 frames b’xejn minn fuq, Debono wettaq rimonta u frame wara l-ieħor ftit ta ċans lill-avversarju jidħol lura fil-logħba.
Għal Malta din kienet it-tielet midalja tad-deheb wara dawk mirbuħa fil-kategoriji tal-Mens Doubles u Under 15.
