Il-Milan Club Malta 1979 ħabbar li, l-kittieb u l-ġurnalista espert fuq dak kollu li hu Milanista, Luca Serafini, se jippreżenta l-aħħar ktieb tiegħu ‘Il Cuore di un Uomo’, ktieb dwar storja vera ta’ kirurgu Taljan li salva miljuni ta’ ħajjiet.
Luca Serafini, huwa ġurnalista li jkun mistieden fuq diversi stazzjonijiet taljani (Milan TV, SkySport, SportItalia, Mediaset, 7Gold, fost oħrajn) kif ukoll kittieb ta’ diversi kotba, ( 1995 – Soianito, 2005 – L’oro di Sheva, 2006 – Il libro delle liste sul calcio, 2007 – Calcinculo,2011 – La vita è una,2011 – Sembra facile diventare genitori grazie alla fede e alla scienza,2014 – La rivoluzione di Giuseppe, 2018 – Lady Stalker, 2022 – Il cuore di un uomo fost oħrajn )
Fit-28 ta’ Ġunju 2023 Luca Serafini se jkun Malta sabiex jiltaqa mal-partitarji ta’ Milan f’pajjiżna kif ukoll se jirrispondi mistoqsijiet dwar AC Milan hawn Malta. Din mhux ħa tkun l-ewwel okkażjoni tiegħu f’Malta għaliex ftit tas-snin ilu wkoll kien f’pajjiżna għal attivita simili.
Kull minnhu interessat għandu jagħmel kuntatt mal-Milan Club Malta 1979 permezz ta’ messaġġ privat fuq il-paġna uffiċjali tal-klabb fuq facebook jew inkella jikkuntatja membru tal-kumitat.
