Is-Sit LovinMalta, magħruf sew li jitfa’ ritratti u filmati kontroversjali għal-likes, żelaq fin-nixef hekk kif ftit tal-ħin ilu dan l-istess sit tefa’ filmat ta’ persuna li nefaq ħamsa u għoxrin elf ewro f’restaurant f’Dubai.
Għal-LovinMalta dan il-ġuvni ma kien ħadd ħlief Luke Chetcuti, iben Hugo Chetcuti.
F’post li għamlu fuq instagram huma kitbu li qed jiġi ttrattat qisu re però ftit tal-minuti wara diversi persuni fil-kummenti tennew li dan mhuwiex Luke.
Sadanittant kiteb ukoll Luke Chetcuti nnifsu fejn qalilhom li qabel ma jitfgħu xi filmat fuq il-midja soċjali misshom jivverifikaw min hi vera l-persuna għaliex il-persuna tal-filmat mhuwiex hu.
Wara l-falza stikka li ħadu, il-LovinMalta ppubblikaw apoloġija u ammettew li ħadu żball hekk kif il-persuna fil-filmat li urew kien persuna oħra.
