Fil-weekend li għadda t-tim Malti tal-Lotta ħa sehem għal darb oħra fl-English Senior Championships. Dan hu avveniment li Malta tiġi mistiedna għalih kull sena. It-tim Malti kien magħmul minn Gary Giordmaina 61kg, Nico Zarb 74kg, Cedric Vella 97kg, Roberto Buttigieg 97kg, Jesmond Giordmaina coach, Abraham Vassallo referee. Malta reġa kellha risultati sodisfaċenti ħafna.
Gary Giordmaina kien qed jikkompeti f’kategorija ikbar milli jagħmel is-soltu. Iżda dan ma waqfux milli jerġa jġib riżultat tajjeb ħafna. Fi triqtu lejn il-finali, Gary għeleb lil Arash Ali Akbari(London wrestling club), Mubibullah Safi(City of Manchester club)u fis-semifinali għeleb lil Pravjeet Lahel(Derby Wrestling Club). Fil-Finali Gary kellu ġlieda tajjeb iżda ħareġ tellief kontra Haroon Yousufi(Prometheus Wrestling Club) biex rebaħ il-midalja tal-Fidda f’kategorija li kien fiha 11-il lottatur.
Fil-kategorija 74kg, Nico Zarb beda b’rebħa kontra Husnain Ahmed( England Southern Region) biex għadda għal kwarti finali. Hawnhekk tilef kontra Farhad Nouri(London wrestling Club) champion Asjatiku tal-Juniors li finalment rebaħ id-deheb. B’hekk Nico għadda għar-Repechage biex jiġġieled għal midalja tal-bronze iżda tilef kontra Gheorghita Tanasa(Prometheus Wrestling Club) u spiċċa fil-ħames post minn 15-il lottatur.
Fil-Kategorija 97kg Malta kellha żewġ lottaturi li kienu qed jiddebuttaw fil-kamp internazzjonali. Cedric Vella kellu debutt feliċi meta għeleb lil Kacper Jeczalik(England Northern Region) fil-fażi tal-gruppi imbagħad tilef kontra Amir Lak(London Wrestling Club) biex b’hekk għadda mill-grupp u fis-semifinali tilef kontra Farshad Narzania(Rising stars Wrestling). Fil-kumbattiment ghal-midalja tal-bronze, Cedric tilef kontra Ardian Trota(GNG Wednesfield) biex spiċċa fir-4 post minn 7 lottaturi.
Minn naħa tiegħu Roberto Buttiegieg, ukoll fid-debutt, tilef kontra Tayab Hussein (England North Region), Ardian Trota(GNG Wednesfield) u Farshad Narzania(Rising Stars Wrestling). Hu kellu injury f’irkoptu fl-ewwel kumbattiment u ma setax jagħti il-mija fil-mija tiegħu.
Abraham Vassallo li kien mistieden bħala referee għal din il-kompetizzjoni idderiġa diversi kumbattimenti u finali. Din kienet l-ewwel kompetizzjoni għal din is-sena minn numru ta’kompetizzjonijiet li l-Federazzjoni għandha ippjanati għal din is-sena.
