Numru ta’ ħbieb organizzaw logħba bil-għan li tinġabar somma b’risq ALS Malta.
Il-grupp ta’ ħbieb fuq facebook bl-isem ta’ Football Maniacs jilqa’ fih ammont kbir ta’ partitarji tal-futbol li kollha jappoġġjaw lit-tim tagħhom.
Intant, nibtet l-idea sabiex l-aktar żewġ timijiet akkaniti fil-grupp u jikkonfrontaw lil xulxin permezz ta’ partita seven-a-side.
Il-partita li ntlagħbet fil-grawnd tal-Pietà bejn il-partitarji ta’ Liverpool u Manchester United ġabret ammont minn dawn il-partitarji fejn tkellimna magħhom dwar din l-inizjattiva.
Neil Chircop qal, “Ħassejna li bħala kontribut huwa tajjeb li dak li jkun jikkontribwixxi lejn min hu inqas ixxurtjat minna.”
Silvan Mifsud qal, “L-ewwelnett, b’risq Dar Bjorn kulħadd jieħu pjaċir li jagħmel attività u ujikkontribwixxi lil aġenziji bħal dawn. Illum Dar Bjorn erba’ t’ijiem oħra nagħmluha għal xi ħadd ieħor.”
Il-partita ntemmet bl-iskor ta’ sitta b’sitta u t-tim ta’ Manchester United rebaħ bil-penalties. Barra minn hekk inġabret somma sabiħa b’risq ALS Malta.
Silvan Mifsud qalilna kif wara l-logħba hu mistenni li r-rebbieħa jikkonfrontaw id-dilettanti kollha tat-timijiet tas-Serje A.
Chircop qal, “Suppost minn jirbaħ għandu jilgħab kontra t-tim Taljan tas-Sejre A, sħabna tat-Taljani qegħdin fil-minoranza. Però iddeċidew li jingħaqdu u nilgħabu kontra xulxin ukoll.”
