Lija Athletics A Futsal u Mtarfa Futsal kisbu rebħiet konvinċenti fl-Enemed Women’s Futsal League wara wirja kbira li taw.
Lija għelbu lil Santa Margherita Futsal 10-2 fejn għalihom spikkat Irena Drugovic, awtriċi ta’ ħames gowls. Mill-banda l-oħra, Ruth Steer Cheetham wettqet doppjetta sabiex Jasmine Vella Turner, Elena Gialanze u Fallon Sammut żiedu aktar gowls għat-tim tagħhom li kiseb it-tieni rebħa konsekuttiva u issa qed jokkupaw l-ewwel pożizzjoni fil-klassifika.
Mtarfa Futsal kellhom debutt ferm pożittiv f’din il-kompetizzjoni meta għelbu lil Parr Mela Rockets FC Futsal 18-0.
Shania Spiteri skorjat ħames gowls, Kim Parnis wettqet tripletta filwaqt li Demi Magrin kienet awtriċi ta’ doppjetta. Anke Yanika Debono, Charlene Cassar, Amanda Atkins u Janice Pace niżżlu isimhom fost l-iskorers.
KLASSIFIKA – Enemed Women’s Futsal League
Lija Athletics A 6, Mtarfa Futsal 3, University of Malta ACJ Group, Santa Margherita Futsal 1, Lija Athletics B, Swieqi United FC, Parr Mela Rockets FC Futsal 0
