Libjan ta’ 33 sena nżamm arrestat wara li ġie akkużat b’pussess ta’ droga lesta biex tiġi ttrafikata.
Il-Libjan ġie arrestat l-Erbgħa waqt rejd li sar mill-Iskwadra ta’ Kontra d-Droga, f’appartament f’Marsalforn, Għawdex.
Waqt tfittxija li saret ġewwa l-appartament, instabet ammont ta’ droga, ħaxixa tal-kannabis u kokaina li ma kinitx għall-użu personali tiegħu.
Il-Libjan wieġeb mhux ħati għall-akkużi miġjuba kontrih.
