Mudelli irġiel qed jitħallsu madwar 75% inqas minn dawk nisa – skont aġenzija ewlenija tal-immudellar.
Elizabeth Rose, li tieħu ħsieb mudelli rġiel mal-kumpanija Premier, kienet kruċjali biex saru famużi nies bħal Naomi Campbell u Cindy Crawford. “Naħseb hija l-unika industrija fejn l-irġiel verament jitħallsu inqas. Mhix sitwazzjoni ġusta għall-irġiel” qalet lill-aġenzija tal-aħbarijiet BBC.
Mara jaf titħallas £40,000 talli timmudella f’show minn dawk il-kbar. Raġel jaf jitħallas medja ta’£40,000 .
Hekk kif intemmet il-London Fashion Week, il-mudelli ta’ Elizabeth qed iħejju rwieħom għall-catwalks ta’ Milan u Pariġi. Spjegat li raġuni ewlenija għaliex jitħallsu aktar mudelli nisa hija li hemm bżonnhom ferm aktar minħabba l-popolarità tal-prodotti għan-nisa fis-suq.
Sitwazzjoni li qiegħda tinbidel, hekk kif aktar mudelli rġiel qed isibu min jimpjegahom, bl-ammont ta’ prodotti u kożmetiċi għalihom fis-suq jiżdiedu.
