Għal dawk kollha li jieħdu gost li d-dar tkun nadifa tazza, din l-aħbar mhux se tkun daqshekk għal qalbhom hekk kif fil-jiem li ġejjin Malta se tintlaqat minn trab li ġie kkawżat minn maltempata tar-ramel fil-Marokk u l-Alġerija.
Il-maltempata tar-ramel li ħakmet lill-Marokk u l-Alġerija se tkun qed tħalli effett fuq Malta, dan hekk kif ritratt meħud minn NASA juri trab riesaq lejn il-Mediterran.
Illum it-temperatura mistennija titla’ għal 20 Grad Celsius bil-livell ta’ trab ikun wieħed elevat.
Tul il-lejl se jkun hemm ftit sħab minn ħin għal ieħor bl-inqas temperatura tkun ta’ 13-il grad Celsius. Ir-riħ se jkun bejn Forza 3 u Forza 5.
