Manchester United jinsabu viċin li jaħtru lil Jose Mourinho bħala maniġer ġdid. Qiegħed jiġi rrappurtat li l-ftehim mal-kowċ Portugiż ta’ 53 sena sar qabel ir-rebħa tal-FA Cup. L-aħħar tim li mexxa Mourinho kien dak ta’ Chelsea. Huwa tkeċċa minn Stamford Bridge f’Diċembru li għadda.
Il-klabb ta’ Manchester United mistenni jħabbar il-ħatra ta’ Jose fil-bidu tal-ġimgħa d-dieħla, b’Van Gaal ikollu jwarrab wara staġun fqir. Ir-Red Devils spiċċaw fil-ħames post tal-Premier League, għaldaqstant ma kwalifikawx għall-kompetizzjoni taċ-Champions League tal-istaġun li ġej.
