Bħalissa ħafna siġar tal-larinġ u l-lumi jibdew iħallu l-frott tagħhom. Għal sena oħra l-kunsill lokali tal-Kalkara ser ikun qed jieħu l-inizjattiva sabiex dawk ir-residenti li fi djarhom għandhom siġar li jagħmlu jew il-larinġ jew il-lumi u li forsi mhux ser jużawh, jgħadduh lill-kunsill lokali, sabiex iqassam dan il-frott ma’ min għandu bżonn.
”Għalkemm nappella lir-residenti Kalkariżi sabiex ikunu ġenerużi, din l-inizjattiva li niġbru larinġ jew lumi, mhux qedha għal min joqgħod il-Kalkara biss. Jista’ jagħmel kuntatt magħna kulħadd. Il-ħsieb huwa li meta niġbru dan il-larinġ u l-lumi umbgħad noħolqu inizjattiva biex inqassmuh lil persuni fil-bżonn, b’mod partikolari anzjani u nies li jgħixu waħidhom. Is-sena l-oħra din l-inizjattiva għamilniha għall-ewwel darba u ferraħna nies li fis-skiet ta’ darhom jgħixu fil-bżonn fil-Kalkara”
Wayne Aquilina – Sindku tal-Kalkara
Segwi hawn filmat qasir dwar l-inizjattiva ”Aqsam ma’ Ħaddieħor” tas-sena 2021
Kulħadd jista’ joffri frott kemm irid. Kull għajnuna tkun apprezzata. Dawk interessati jistgħu jieħdu l-larinġ jew il-lumi fl-uffiċċju tal-kunsill lokali l-Kalkara jew inkella jċemplu 21 66 55 00 biex rappreżentant tal-kunsill jiġi jiġbor il-frott.
