La Semana Santa de España f’Mqabba qed issir fi 3 swali fi ħdan il-każin tal-Banda San Marija u King George V, li jinsab fil-pjazza tal-Knisja Parrokkjali tal-Imqabba.
Il-wirja ssir bejn it-18 ta’ Marzu u l-1 ta’ April. Id-dħul huwa b’xejn.
Il-ftuħ uffiċjali se jsir il-Ħadd li ġej 18 ta’ Marzu fil-11: 30 ta’ filgħodu mis-Sur Pedro Sosa, Deputat Kap tal-Missjoni Spanjol fl-Ambaxxata ta’ Spanja f’ Malta u Mons. Lawrence Gatt.
Barra minn hekk, se tittella’ drama ħajja kontemporanja li turi l-passjoni ta’ Sidna Ġesù Kristu bl-isem: “Ahna Nsara !?” li se ssir ukoll ġewwa l-bini tas-Soċjetà fil-11: 00 ta’ filgħodu.
Iż-żewġ avvenimenti huma bla ħlas.
