L-Ukrajna tħeġġeġ lir-residenti ta’ Kupiansk biex jitilqu minħabba l-invażjoni Russa

L-Ukrajna qalet lir-residenti ta’ Kupiansk biex jitilqu, hekk kif jidher li r-Russja qed tippjana li tieħu l-poter ta’ din il-belt.

Il-militar f’Kharkiv ħeġġeġ lill-familji u dawk b’mobilità limitata biex iħallu djarhom minħabba attakki mill-forzi Russi.

Ir-Russja rnexxielha tieħu l-poter tal-belt fil-bidu tal-invażjoni fl-Ukrajna, iżda l-Ukrajna reġgħet ħadet il-kontroll f’Settembru li għadda.