Waqt il-laqgħa tal-kunsill tal-MFA li saret ilbieraħ, is-segretarju generali tal-MFA Dr. Angelo Chetcuti ħabbar li l-MFA waslet fi ftehim mal-ex kowc tat-tim nazzjonali Malti Tom Saintfiet dwar il-kumpens li ser jingħata l-kowċ Belġjan wara li l-kuntratt tiegħu ġie tterminat.
Minkejja li ma giex zvelat l-ammont, Chetcuti qal li wara żewġ laqgħat waslu fi ftehim ma’ Saintfiet u għalhekk min-naħa tiegħu mhu ser ikun qed jieħu ebda passi legali fil-konfront tal-MFA.
Saintfiet twaqqaf milli jkompli jmexxi lit-tim nazzjonali Malti wara li ismu tfaċċa bħala wieħed mill-kandidati li xtaq jmexxi lit-tim nazzjonali tal-Kamerun.
Intant nhar is-sibt li ġej it-tim nazzjonali Malti ser iħalli pajjiżna sabiex jibda training camp fl-Awstrija fejn nhar it-Tlieta jilgħab l-ewwel partita ta’ ħbiberija tiegħu kontra l-Armenja.
