L-Istitut għall-Istudji Turistiċi, l-ITS, qed joħroġ informazzjoni essenzjali għal studenti prospettivi fid-dawl tal-bidliet li saru fiċ-ċertifikat SSC&P maħruġ mill-Ministeru għall-Edukazzjoni, Sport, Żgħażagħ, Riċerka, u Innovazzjoni. Bħala kjarifika, ma saru l-ebda bidliet fiċ-ċertifikati tas-SEC, magħrufa bħala l-o levels.
Għaċ-ċertifikazzjoni SSC&P, l-ITS se jkun qed jimplimenta l-iskala li ġejja bħala gwida:
Riżultat tal-Eżami Binarju 3
Livell 3: 55 – 100 marka
Livell 2: 40 – 54 marka
Riżultat tal-Eżami Binarju 2
Livell 3: 65 – 100 marka
Livell 2: 40 – 54 marka
L-ITS jassigura lill-istudenti prospettivi kollha interessati li jkomplu bl-istudji tagħhom fl-ospitalità u t-turiżmu li l-applikazzjonijiet sottomessi, u l-applikazzjonijiet futuri mhux se jiġu affettwati bl-ebda mod.
L-ITS jistieden lill-istudenti kollha li qed jaspiraw biex jesploraw il-firxa diversa ta’ korsijiet offruti, li jvarjaw minn livelli ta’ Fondazzjoni sa Masters, u japplikaw sal-11 ta’ Awwissu.
Studenti prospettivi li ma kisbux, la s-SEC u lanqas SSC&P, xorta jistgħu japplikaw għall-programm ta’ studju tal-Fondazzjoni tal-ITS biċ-ċans li jkomplu l-istudji tagħhom f’livelli ogħla ta’ edukazzjoni.
Għall-istudenti li qed ifittxu gwida, l-Uffiċċju ta’ Gwida dedikat jista’ jintlaħaq fuq guidance@its.edu.mt, u l-Uffiċċju tar-Reġistratur jista’ jiġi kkuntattjat fuq registrar@its.edu.mt jew permezz tat-telefon fuq 23793000.
Għal aktar informazzjoni dwar il-korsijiet tal-ITS, żur its.edu.mt.
