Aktar reazzjonijiet fuq Manuel Delia, li qal li se jitlaq minn pajjiżna għax qed iħossu mhedded.
B’artiklu fil-gazzetta Illum u anki fil-Maltatoday, Saviour Balzan ikkummenta dwar dan u l-isfond tal-istorja.
Fl-Illum, bit-titlu ‘L-istorja ta’ Fantozzi!”, il-ġurnalist ta’ esperjenza Saviour Balzan u li waqgħetlu zokortu jsegwi x-xena politika lokali, irrimarka għall-passat ta’ Manuel Delia bħala eks Chief of Staff ta’ Austin Gatt u l-moħħ wara l-Arriva, il-proġett li fih kien hemm involut missier Yorgen Fenech.
Fil-fatt hawn isemmi kemm Manuel Delia kien viċin il-grupp ta’ Tumas.
Balzan iddeskriva lil Manuel Delia bħala kiesaħ u li għandu attitudni ardita u pastaża.
Fil-fatt hawn Balzan kiteb li hawn min nesa kif kien jitratta l-midja meta Delia kien imexxi l-Ministeru ta’ Austin Gatt.
Balzan kiteb ukoll li Manuel Delia għamilha ta’ script writer għal Adrian Delia u meta dan tal-aħħar ma setax iħallsu għal dak li talbu Manuel Delia, dan tal-aħħar pront abbandunah u beda jikteb kontrih.
Saviour Balzan innota wkoll li kienet Caroline Muscat tax-Shift News li kixfet lil Manuel Delia u qalet li dan fil-fatt sejjer fuq programm imħallas fl-Ewropa.
L-eks ġurnalista tat-Times u li ħadmet il-kampanja elettorali ta’ Simon Busuttil fl-2017 kitbet li Manuel Delia sejjer break.
Hawnhekk Saviour Balzan fakkar lil Delia li dan qed jgħiduh dawk li suppost qegħdin fis-sodda miegħu.
Balzan saħaq li ma kienx sorpriż b’dan billi uża l-kliem “More of the same!”
Balzan qal li tassew hija xena minn ta’ Fantozzi b’differenza kbira għaliex filwaqt li Fantozzi jdaħħkek, Manuel Delia jbikkik bl-ipokresija u l-falsità.
Intant Balzan semma wkoll lil Georg Sapiano, li qabeż għal Manuel Delia.
Sapiano kien ħa eluf ta’ ewro f’direct orders fi żmien Gvern Nazzjonalista u Balzan iddeskrivih bħala avukat bħal dawk li tara fil-films Taljani; iħobb ‘the good life, inbid tajjeb, dgħajjes, karozzi, uffiċini kollha kewkba, vilel kbar u ġlekkijiet fini.
Sapiano wkoll kien kandidat Nazzjonalista u Balzan kiteb li għal grazzja t’Alla ma qabadx art.
Intant fuq il-Maltatoday kiteb ukoll Raphael Vassallo, ġurnalist li janalizza x-xena politika lokali wkoll.
Vassallo, magħruf li jikteb kif iħossha, innota li Manuel Delia ma jistax jgħid li ma jiflaħx għall-attakki wara li kien hu li saħħan il-qiegħa.
Bi kliem ta’ min jifhem sewwa, Vassallo kiteb li Manuel Delia għandu bżonn jieħu break biex forsi dan jgħinu u jsir ġurnalist aħjar.
