L-Assoċjazzjoni tal-istabbilimenti tal-ikel u x-xorb laqgħet b’sodisfazzjoni il-fatt li l-gvern se jerġa’ jqassam sett vouchers ta’ mitt ewro li jistgħu jissarfu f’bosta stabbilimenti.
F’kummenti ma’ dan l-istazzjon, Matthew Pace, mill-assoċjazzjoni, spjega li anke skont sondaġġi li għamlet l-assoċjazzjoni stess, numru sostanzjali ta’ stabbilimenti żammew l-impjegati tagħhom grazzi għaż-żieda fil-bejgħ bejn Awwissu u l-bidu ta’ Settembru.
