Saru magħrufa l-finalisti għall-edizzjoni ta’ din is-sena ta’ SportMalta Awards -Għażliet Sportivi Nazzjonali; avveniment organizzat b’mod konġunt minn SportMalta u l-Għaqda Ġurnalisti Sports.
Il-finalisti tħabbru waqt attività li saret it-Tnejn filgħaxija fiċ-Ċentru tal-Konferenzi fil-Belt Valletta. Għal sena oħra il-konkors li se jonora sportivi huwa maqsum fi ħdax-il kategorija differenti li, seba’ minnhom se jiġu vvutati live waqt is-serata finali.
Għall-edizzjoni ta’ din is-sena ġew ikkonfermati l-awards tradizzjonali; dawk ta’ sportiv, sportiva, żagħżugħ, żagħżugħa, team, coach u uffiċjal tas-sena, rikonoxximenti li jmorru għand l-atleti ta’ Special Olympics Malta, l-aħjar sportiv Għawdxi u l-avveniment tas-sena. Magħhom il-People’s Choice Award li jintagħżel b’votazzjoni online.
Il-finalisti ġew magħżula b’votazzjoni li saret mill-ġurnalisti sportivi membri fl-Għaqda Ġurnalisti Sports. F’erba’ kategoriji hemm sitt finalisti u mhux ħamsa minħabba li kien hemm min ġab l-istess ammont ta’ voti.
Il-finalisti kollha tas-seba’ kategoriji vvutati mill-ġurnalisti huma:
Sportiv tas-Sena
Camilleri Stevie – Waterpolo
Chetcuti William – Sparar
Degiorgio Charles – Tiġrijiet taż-żwiemel
Micallef Duncan – Drag Racing
Xuereb Nathan – Sparar
Sportiva tas-Sena
Abela Sue – Ten Pin Bowling
Carannante Tiziana – Ten Pin Bowling
Pellicano Helene – Tennis
Wingfield Charlotte – Atletika
Zammit Stevens Yazmin – Weightlifting
Uffiċjal tas-Sena :
Azzopardi Esther – Football
Borda Joseph – Rugby
Camilleri Terry – Snooker
Caruana Jesmond – Weightlifting
Sultana Paul – Basketball
Zammit John – Ċikliżmu
Coach tas-Sena :
Adamoli Angela – Basketball
Bugeja Jimmy – Sparar
Farrugia Anthony – Waterpolo
Holliday Daniel – Rugby
Izzo Karl – Waterpolo
Vella Silvio – Football
Żagħżugħ tas-Sena:
Cassar Kurt – Basketball
Galea Luke – Karate
Giordimaina Gary – Lotta
Magro Matthew – Ten Pin Bowling
Plumpton Ben – Waterpolo
Sultana Kijan – Squash
Żagħżugħa tas-Sena
Al Tumi Hannah – Basketball
Attard Gliveau Nicole – Atletika
Grillo Sana – Ġinnastika
Pellicano Helene – Tennis
Shultheis Victoria – Ibburdjar
Xuereb Sara – Ten Pin Bowling
Tim tas-Sena
Basketball: Team Nazzjonali Nisa
Football: Team Nazzjonali Rġiel U/21
Snooker: Team: Alex Borg & Brian Cini
Waterpolo: Team Nazzjonali Irġiel – ‘A’
Waterpolo: Team Nazzjonali Under 19
Minbarra s-seba’ kategoriji vvutati mill-ġurnalisti sportivi se jkun hemm ukoll il-People’s Choice Award. Hawnhekk il-pubbliku se jkun jista’ jivvota online minn fuq is-sit uffiċjali ta’ Sport Malta:www.sportmalta.org.mt.
Il-ħames finalisti f’din il-kategorija huma:
People’s Choice Award
Tiziana Carannante – Bowling
William Chetcuti – Sparar
Keith Galea – Triathlon
Dennis Thornton – Regatta
John Zammit – Ċikliżmu
L-għażliet Sportivi Nazzjonali jsiru nhar is-Sibt 25 ta’ Frar 2017 fis-Sala tal-Konferenzi ta’ Dar il-Mediterran.
