Huma persistenti r-rapporti li fis-sigħat li ġejjin se ssir uffiċjali li Jose Mourinho, magħruf bħala The Special One, se jkun il-kowċ il-ġdid ta’ Manchester United.
Ix-xniegħa ilha hemm u b’ħafna mill-klabbs ewlenin diġa’ għandhom lest il-bniedem li se jmexxi t-tim kien ovvju li waħda mill-ikbar possibbiltajiet għall-kowċ tal-livell tal-Portugiż huma r-Red Devils.
Imma issa r-rapporti infirxu anke fost l-iktar sorsi afidabbli u għalhekk tar-Red Devils jista’ jkollom kowċ li beda l-karriera tiegħu bħala t-traduttur tal-kowċ li għandu bħalissa. Bil-karattru tiegħu Mourinhom daħal f’biżibilju kontroversi u żgur hemm min f’Old Trafford li ma tantx jiffanzjah. Pero’ l-kwalitajiet tiegħu m’hemm ebda dubju dwarhom.
