Il-klabb tar-Regatta tal-Isla ħabbar li qed javalwaw li jieħdu passi legali fil-konfront tal-Għaqda Regatta Nazzjonali wara l-kontroversja li nqalgħet fit-tieni tiġrija ta’ Kategorija A fir-Regatta ta’ Jum il-Ħelsien ta’ din is-sena.
Oriġinarjament it-tiġrija ta’ bi tnej n intrebħet mill-Isla, quddiem Bormla u l-Birgu rispettivament. Iżda fi tmiemha Bormla ipprotestaw minħabba inċident li nqala’ fil-bidu tagħha, hekk kif id-dgħajsa tal-Marsa ħabtet ma’ dik ta’ Bormla. Wara ħafna ħin ta’ battibekki u kontroversji ġie deċiż li t-tiġrija terġa issir.
Il-klabb tal-Isla fi stqarrija llum qal li t tigrija Ta’ bi Tnejn saret u spiċċat u huma daħlu l-ewwel, tant li r-riżultat uffiċjali ħareġ fil-facebook page tal-Għaqda Regatta Nazzjonali.
L-Isla qalu li ċ-chief judge qiegħed hemm biex jaghmel xogħlu u jrid ikun hu li jiddeċiedi l-affarijiet, kif dejjem sar matul is-snin, u f’dan il-każ ma ħassx li kellu japplika r-regolament 3.13.
Il-klabb sengeljan qal li minn dak il-hin il-quddiem kull ħaġa li ġrat kienet ksur tar-regolamenti u affarijiet li mhux suppost ġraw.
Minħabba f’hekk il-klabb tal-Isla qed javża lill-membri u partitarji tiegħu li qed jieħdu pariri legali dwar dak li ġara.
DIN HI L-ISTQARRIJA UFFIĊJALI TAL-KLABB TAR-REGATTA TAL-ISLA:
