L-iskola primarja ta’ Ħal Għaxaq se tibda toffri s-servizz ta’ Klabb 3-16

Mis-sena skolastika li jmiss, il-Fondazzjoni għas-Servizzi Edukattivi se tibda tipprovdi s-servizz ta’ Klabb 3-16 fl-iskola primarja ta’ Ħal Għaxaq.

Dan se jingħaqad ma’ għadd ta’ skejjel oħra li joffru l-istess servizz lill-istudenti tal-primarja.

Dawn is-sessjonijiet, li għandhom il-ħsieb joffru aktar valur miżjud lill-istudenti li jużaw is-servizz ta’ Klabb 3-16, qed jgħinu lit-tfal f’diversi oqsma ta’ ħajjithom, inkluż fil-kunfidenza tagħhom, fil-ħila biex jesprimu ruħhom u bħala mezz ta’ soċjalizzazzjoni.