Uffiċjali tas-sigurtà nazzjonali tal-Istati Uniti rraportaw li l-Iran hedded lil votanti Demokratiċi permezz ta’ emails mibgħuta lilhom.
Id-Direttur tal-Intelliġenza Nazzjonali, John Ratcliffe qal li l-emails deheru ġejjin minn gruppi lemini estremi li huma favur Trump, bil-għan li jqanqlu l-inkwiet hekk kif issa l-Amerika tinsab 13-il jum biss ‘il bogħod mill-elezzjoni presidenzjali.
Ratcliffe qal ukoll li l-uffiċjali Amerikani sabu li l-Iran u r-Russja għandhom xi informazzjoni dwar ir-resġistrazzjoni tal-votanti.
