L-Ingliżi li jgħixu l-Ukrajna mġegħla jitilqu minn hemm kemm jista’ jkun malajr

Il-Gvern Ingliż appella lil dawk l-Ingliżi li jgħixu l-Ukrajna sabiex jitilqu minn hemm fi żmien 48 siegħa.

Din it-twissija mill-Gvern Ingliż ħarġet wara li l-Amerka wisset f’konferenza tal-aħbarijiet kif ir-Russi jistgħu jinvadu l-Ukrajna fiż-żmien li ġej.

Il-Prim Ministru Ingliż Boris Johnson qal li huwa jinsab inkwetat b’dawn l-aħħar żviluppi.

Johnson appella lill-alleati sabiex ilestu sanzjonijiet ekonomiċi b’saħħithom, biex dawn jidħlu fis-seħħ dejjem jekk ir-Russja tinvadi lill-Ukrajna.